ကဗျာတစ်ပုဒ်ထဲမှာ ဖတ်ဖူးတယ်........
ကင်းခြေများတစ်ကောင်နဲ့ ဖားတစ်ကောင် လမ်းမှာတွေ့ကြတော့ "ဒီလောက် ခြေထောက်တွေအများကြီးနဲ့ တစ်ချောင်း ကိုတစ်ချောင်း မနင်းမိအောင်ဘယ်လိုလျှောက်လဲ" လို့
ဖားက မေးတယ်တဲ့..... ကင်းခြေများလည်း သူဘယ်လိုလျှောက်ပါလိမ့် ဆိုပြီး သူ့ဘာသာသူ ငုံကြည့်ရင်း... ဆက်လျှောက်သွားတယ်။ ဟုတ်ပါရဲ့ သူ့ခြေထောက်တွေ တစ်ခုကိုတစ်ခု မနင်းမိကြဘူး။ ဒါပေမယ့် ဘယ်လို သူ လျှောက်နေတာပါလိမ့်လို့ သူကိုယ်တိုင်လည်း ရှင်းမပြနိုင်ခဲ့ဘူး။ ဒီလိုနဲ့ ခေါင်းကြီးငုံ့ပြီး စဉ်းစားရင်း စဉ်းစားရင်းနဲ့ လျှောက်လာလိုက်တာ.. နောက်ဆုံးမှာ တွင်းနက်တစ်ခုထဲကို ပြုတ်ကျ သွားပါလေရော. . . . . တဲ့။
ကင်းခြေများကြီးခမျာ........ကိုယ်တိုင် မသိရှာလေတော့.......
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ဒီအကြောင်းလေးကြောင့်......... ကင်းခြေများတွေရော၊ ပိုးနသန်ကောင်တွေရော............ကြည့်မိတယ်၊ အံ့သြပြီးတော့လေ၊ သူတို့ သွားနေတာ ခြေထောက်လေးတွေ အစုလိုက် လှုပ်သွားတယ်..... နောက်တော့..... သေသေချာချာကြည့် မိတော့ အားလုံး တစ်စု တစ်ဝေးတည်း သွားနေကြတာလေ..... တူညီစွာလှမ်းနေရင်း.......တူညီစွာရပ်တန့်နေကြတယ်..... တစ်ချောင်းရဲ့ နေရာကို တစ်ချောင်းက ၀င်မယူဘူး၊ သူ့နေရာနဲ့သူပါပဲ.........နောက်ပြီး တစ်ချောင်းက ရှေ့ကို တစ်ချောင်းကဘေးကို.... တစ်ချောင်းက အနောက်ကို အဲဒီလို မလုပ်ကြပါဘူး။
သူတို့က ကင်းခြေများကြီးအတွက် သွားနေကြတာလေ.... မိခင် ခန္ဓာကိုယ်ကြီးအတွက် သွားနေကြတာကိုး....... လိုရာ ခရီးကို ရောက်နိုင်အောင်ပေါ့...... ကင်းခြေများကြီးလိုရာ ရောက်ရင်....သူတို့လဲ လိုရာရောက်တာပါပဲ... သူတို့က ခွဲထွက်လို့မှ မရတာနော် ဒီလိုသွားနေရလို့လဲ ပင်ပန်းလိုက်တာလို့...ဘယ်တော့မှ ခြေထောက်တွေက မငြီးမငြူကြပါဘူး၊ နောက်ပြီး ကျုပ်တို့ကတော့ သွားချင်ရာကို မရောက် ရောက်အောင်ပို့ပေးရတယ်..... နားတို့၊ မျက်စိတို့ကျတော့ ဘာမှ မလုပ်ဖူးလို့..... သူတို့ တစ်ယောက်ကို တစ်ယောက် မကျေနပ်တာလဲ မရှိခဲ့ဘူး။၊
နောက်တစ်ခုလဲ စဉ်းစားမိသေးတယ်...... ကင်းခြေများကြီးကလဲ ခြေချောင်းတွေက ပင်ပန်းတယ် တစ်နေကုန် သွားနေရတာ သက်သာတဲ့ နေရာမှာ နား၊ မျက်လုံးကတော့..ညောင်းတယ်၊ အေးဆေးအိပ်.... နားကတော့ အလုပ်ပါးတယ် စောစောထ လို့........ဘယ်တော့မှ ခွဲခြားခြင်းလဲ မရှိခဲ့ဘူး၊ သူ့ရဲ့ အင်္ဂါ အစိတ်အပိုင်းတွေကို ...... ညီမျှတဲ့ ဆက်ဆံခြင်းတွေနဲ့ ပိုင်နိုင်တဲ့ တာဝန်တွေ ကိုသာ အပြည့်အ၀ထမ်းဆောင် စေခဲ့တယ်။
ကင်းခြေများကြီးမှာ အဆိပ်ရဲ့ ဆူးတွေလဲ ရှိတယ်၊ ဒါကလဲ သူ့ကိုယ်သူ ကာကွယ်ဖို့လေ...... ဒီအဆိပ်ကြောင့်လဲ ကင်းခြေများကို အရက်နဲ့ စိမ်သောက်ရင်.... အားရှိတယ်၊ ဒူလာရောဂါပျောက်တယ်ဆိုတဲ့..... အယူအဆတွေကလဲ ဖြစ်ပေါ်စေခဲ့တာပါပဲ။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ကင်းခြေများကြီးတစ်ကောင်ရဲ့ အကြောင်းကို စဉ်းစားမိလိုက်တာ....... ကင်းခြေများကြီးက သိပ်ပြီးကြီးကျယ်သွား တယ်၊ မိသားစုကြီးတစ်ခုနဲ့ တူသွားတယ်၊ နားတွေ၊ မျက်စိတွေ....... ခြေချောင်းတွေကတော့ ဒီမိသားစုထဲက မိသားစုဝင်တွေပေါ့....
ဆက်ပြီး စဉ်းစားကြည့်လိုက်တော့လဲ..... မိသားစုဝင်တွေ ဘယ်လောက်များများ ကင်းခြေများလို သွားရင် ရနိုင် တယ် လို့..... အတွေးတွေဖြစ်ပေါ်လာခဲ့တယ်။ ဒီမိသားစုတွေနဲ့ အပြင်က အန္တရာယ်ပေးမဲ့ ရန်သူတွေကို အဆိပ်နဲ့ တိုက်ခိုက်နိုင်မယ်၊ ဒီလိုပါပဲ...........ဒီ အဆိပ်ရဲ့ အာနိသင်ကြောင့် အရက်နဲ့ စိမ်သောက်မဲ့ သူတွေကိုတော့..... သတိလေးနဲ့ ရှောင်ရမယ်လို့.....
ကျွန်တော်တို့ နိုင်ငံမှာ လဲ ကင်းခြေများလိုဘဲ ခြေချောင်းတွေ အများကြီး ရှိနေတယ်နော်...... တိုင်းရင်းသား လူမျိုးစုကြီး (၈)ခုနဲ့ လူမျိုးစုလေးတွေက (၁၃၅)မျိုးတောင်လေ....
ကောင်းကင်ကြီးက လှတယ် ကြယ်တွေ စုံလို့ပေါ့..........မရေမတွက်နိုင်အောင်ပါပဲ.....အားလုံးပိုလှသွားအောင် လမင်းကြီးတော့ လိုတယ်နော်....... သေသေချာချာ ကြည့်ကြည့်ပါဦး.....အခု ဒီကောင်းကင်ကြီးမှာ နက္ခတ်တွေ စုံနေပြီ...နော်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
No comments:
Post a Comment